Rreth nesh

Partia e Gjelbër lindi si një lëvizje politike të cilën në skenë e thiri koha, jo vetëm për të dhënë alarmin për krizën e thellë ekologjike që po kalojmë, por edhe për implementimin e politikave të gjelbra që janë në harmoni me mjedisin.

“Të Gjelbrit e Shqipërisë”  fillimisht lindën si një lëvizje politike mjedisore të krijuar më 1 shtator 2001, me nismën e një grupi intelektualësh të rinj të fushave të ndryshme. Kësaj lëvizje politike iu bashkuan shumë shpejt shoqatat ambientaliste dhe klubet ekologjike që përfaqësonin shoqërinë civile ambientaliste të kohës. Synimi kryesor i kësaj lëvizje politike ambientaliste  ishte përfaqësimi i zërit  ambientalist në organet vendimarrëse lokale, pasi vetëm kështu ajo do të mund të realizonte programin e saj në mbrojtje të mjedisit. Ajo e arriti këtë objektiv që në pjesëmarrjen në zgjedhjet e para lokale të vitit 2003. Për here të parë një Lëvizje politike pro mjedisit përfaqësohet në nivel lokal më këshilltarët e saj. Që nga ajo kohë Partia e Gjelbër ka rritur numërin e përfaqësuesve të saj në këshillat bashkiak. Synimi kryesor elektoral i Partisë së Gjelbër është përfaqësimi i politikës së gjelbër në Parlamentin Kombëtar. Zëri i Gjelbër është zëri që i mungon sot Parlamentit Shqiptar.

Kongresi i  Dytë i “Të Gjelbërve” mbajtur më 15 Dhjetor 2007 hodhi bazat e konsolidimit të një force politike me parime të gjelbra Europiane. Ai tashmë njihet si kongresi i lindjes së Partisë së Gjelbër të Shqipërisë dhe data e 15 Dhjetorit të njihet nga Të Gjelbrit si “Dita e Gjelbër”.   

Partia e Gjelbër në princip të politikës së saj ka folozofinë e gjelbër. Platforma e saj  politike ngre bazat e përgjegjësisë për mjedisin. Partia e Gjelbër mbron me forcë liritë , të drejtat e njeriut, të drejtat e pakicave, barazinë gjinore, politikat paqedashëse dhe ndërtimin e një shteti social. Partia e Gjelbër synon forcimit e sistemit demokratik bazuar në një demokraci sa më përfshirëse ku njerëzit të marrin pjesë drejtëpërdrejt në vendimet që i përkasin. Ajo punon për një shoqëri pluraliste, gjithëpërfshirëse dhe tolerante, një shoqëri jo diskriminuese ku zëri i të gjithë qytetarëve të dëgjohet dhe të vlerësohet. Partia e Gjelbër  objektivin e saj më madhor ka ndërtimin e një Shqipërie të Gjelbër Europiane e cila në themel të saj do të ketë zhvillimin e një ekonomie të gjelbër si një model zhvillimi të qëndrueshëm ekonomik, social dhe mjedisor. 

Mjedisi mbrohet me vote !

Ky është mesazhi që Partia e Gjelbër përcjell tek qytetari. Nuk ka rrugë tjetër për të shpëtuar nga ndotja dhe shkatërimi i mjedisit përveç ndergjegjësimit dhe votes pro një politike miqësore me mjedisin.

Partia e gjelbër është e shtrirë në të gjithë vendin me strukturat e saj.Partia e Gjelbër, që nga tetori i 2008s, është anëtare më të drejta të plota e Partisë së Gjelbër Europiane. Ajo ka përfaqësuesit e saj me të drejtë vote në Këshillin e Përgjithshëm Drejtues të Partisë së Gjelbër Europiane. Gjithashtu Partia e Gjelbër është anëtare e Të Gjelbërve Global. Ajo tashmë është pjesë e politikës së gjelbër Europiane dhe Globale. 
Rinia është pjesa më energjike dhe vitale e Partisë së Gjelbër. Ajo është e organizuar në Forumin “Të Rinjtë e Gjelbër”. Të Rinjtë e Gjelbër kanë ndërmarrë një sërë aksionesh konkrete sensibilizuese dhe ndërgjegjësuese për ndalimin e ndotjes dhe shkatërrimin e mjedisit. Si pjesëmarrës aktive në aktivitete të ndryshme në terren dhe protesta, Të Rinjtë e Gjelbër po shndërrohet në një forcë potenciale përfaqësuese e politikave të gjelbra në Shqipëri. Të Rinjtë e Gjelbër  janë anëtare më të drejta të plota e Federatës së Gjelbër Rinore Europiane. Ata ka përfaqësuesit e tyre  më të drejtë vote në Asamblenë e kësaj Federate. Ata janë gjithashtu anëtare të Të Rinjve Të Gjelbër Global dhe e disa rrjeteve Rinore Europiane.

Partia e Gjelbër është partia që kërkon rrugë të reja zhvillimi. Ajo si pjesë e Politikës së Gjelbër Europiane, synon fuqizimin e kësaj politike dhe në Shqipëri. Të Gjelbrit mendojmë globalisht, veprojmë në mënyrë lokale dhe ne duam që gjurmët që lëmë pas , të mos jenë shkatërrimi dhe varfëria. Programi  politik i Partisë së Gjelbër është marrëveshja e Gjelbër me Qytetarin. Të gjitha idetë e reja që shpalosen aty, ndeshen me mendimin që kjo është e pamundur dhe e parealizueshme dhe ka shumë njerëz që e pohojnë këtë.

Por, Ne Të Gjelbrit themi: “Asgjë nuk është e pamundur. Ne mundemi nëse duam”.

NE DUAM   NËSE DHE JU DONI, MIRËSEVINI TE NE!
Bashkërisht mund të realizojmë atë që të tjerët thonë se është e pamundur.
Një vend më të mirë për të jetuar; Një të ardhme më të sigurtë;Një Shqipëri të Gjelbër.